സ്വാ ഗ തം . . . . .

കൃഷിക്കും അനുബന്ധ മേഖലകൾക്കും വേണ്ട അടിസ്ഥാന സൗകര്യ നിർമ്മാണ പ്രവർത്തികൾ ഏറ്റെടുത്തു നടപ്പിലാക്കുവാൻ വേണ്ടി കേരളാ സർക്കാരിന് കീഴിൽ കൃഷി വകുപ്പിന്റെ നിയന്ത്രണത്തിൽ 1972ൽ രൂപീകൃതമായ പൊതുമേഖലാ സ്ഥാപനമാണ് കേരളാ ലാൻഡ് ഡെവലൊപ്മെൻറ് കോർപറേഷൻ. സംസ്ഥാനത്തെ കാർഷിക സമൂഹത്തിന് വേണ്ട നിരവധി നിർമ്മാണ പ്രവർത്തികൾ കോർപറേഷൻ ഇതിനോടകം നടപ്പിലാക്കി കഴിഞ്ഞു. 2019 ൽ സംസ്ഥാനത്തെ മറ്റു ഡിപ്പാർട്മെന്റുകളുടെയും ഗവണ്മെന്റ് ഏജൻസികളുടെയും പൊതു സിവിൽ നിർമ്മാണ പ്രവർത്തനങ്ങൾ ഏറ്റെടുത്തു നടത്തുന്നതിനുള്ള അസിക്രെഡിറ്റേഷനും കെ.എൽ.ഡി.സി ക്കു ലഭിച്ചു. സംസ്ഥാന സർക്കാരിന്റെയും കേന്ദ്ര സർക്കാരിന്റെയും അംഗങ്ങൾ അടങ്ങുന്ന ഡയറക്ടർ ബോർഡിന്റെ നിർദ്ദേശത്തിനും നിയന്ത്രണത്തിനും വിധേയമായി മാനേജിംഗ് ഡയറക്ടറാണ് കെഎൽഡിസിയുടെ കാര്യങ്ങൾ കൈകാര്യം ചെയ്യുന്നത്. ആധുനിക സാങ്കേതികവിദ്യയും അഡ്മിനിസ്ട്രേറ്റീവ് സജ്ജീകരണവും ഉപയോഗിച്ച് പൂർണ്ണമായി പരിചയസമ്പന്നരായ എഞ്ചിനീയറിംഗ്, ഫിനാൻസ് പ്രൊഫഷണൽ ടീമുമായി കെഎൽഡിസി കൃഷിക്കും മറ്റു അനുബന്ധ നിർമ്മാണ മേഖലകൾക്കും വേണ്ട പ്രവർത്തികൾ സമയബന്ധിതമായി കാര്യക്ഷമതയോടെ ചെയ്യുന്നു.. കൺസൾട്ടൻസി വിംഗ് വെല്ലുവിളി നിറഞ്ഞ ജോലികൾ ഏറ്റെടുക്കാൻ പൂർണ്ണമായും സജ്ജമാക്കിയിട്ടുണ്ട്. എസ്റ്റിമേറ്റ് തയ്യാറാക്കൽ PRICE സോഫ്റ്റ്‌വെയർ വഴിയാണ്, എല്ലാ പ്രവൃത്തി നടപടിക്രമങ്ങളും PWD മാനദണ്ഡങ്ങൾ അനുസരിച്ചാണ് നടത്തുന്നത്. കരാറുകൾ പൂർണമായും ഇ-ടെൻഡർ മോഡിലേക്ക് മാറിക്കഴിഞ്ഞു. കഴിഞ്ഞ അഞ്ചു പതിറ്റാണ്ടായി പ്രോജക്റ്റ് തയ്യാറാക്കൽ, എസ്റ്റിമേറ്റ് തയ്യാറാക്കൽ, കൃത്യതയോടെയുള്ള നിർമ്മാണ നിർവഹണം എന്നിവയിൽ കോർപറേഷൻ മുന്നേറിക്കൊണ്ടിരിക്കുന്നു. സംസ്ഥാനത്തെ പ്രശംസനീയമായ നിരവധി പദ്ധതികൾ കോർപറേഷൻ നടപ്പിലാക്കി ആർഐഡിഎഫ് പദ്ധതികൾ, ആർകെവിവൈ, എൻആർഎച്ച്എം, സാമൂഹ്യനീതി വകുപ്പ്, പട്ടികജാതി വികസന വകുപ്പ് ഏൽപ്പിച്ച പ്രവൃത്തികൾ തുടങ്ങിയവ ഇവയിൽ ചിലതു മാത്രം.